Það er náttúrulega góð tímasetning enda HM í fótbolta að hefjast í dag. Leikirnir verða spilaðir daglega kl. 11:30, 14:00 og 18:30 og er í boði þessi rosalegasta veisla sem knattspyrnuáhugamenn hafa verið að dreyma um. Opnunarleikurinn er nú ekkert svaka show en það er leikur Suður-Afríku (heimamanna) og Mexíkó. Svo mætast Úrúgvæ og Frakkar.

Mexíkó hefur staðið sig vel og eru með geysisterkt lið. Hef fulla trú á þeim í þessum fyrsta leik og ættu að klára hann. Svo lengi sem Ísland getur unnið S-Afríku, þá ætti hver önnur þjóð í þessari keppni að geta gert það. Heimavöllurinn telur ekkert. En óvænt úrslit hafa nú skeð í opnunarleik svo ekkert er hægt að útiloka. Þetta er fótbolti.
Seinni leikurinn væri hægt að kalla einn af stórleikjum riðilsins. Frakkar að sjálfsögðu án margra lykilmanna þar sem Domenech, þjálfari var ekki að velja mikið af stjörnunum. Valdi frekar þessa sem eru í formi. Benzema og Ben Arfa voru eftir heima td. En þegar maður rúllar yfir hópinn þeirra er maður meira gapandi því liðið er frekar sterkt. Eitthvað segir mér samt að þeir misstíga sig á þessu móti og geri jafntefli við Úrúgvæjana. Forlan með þrennu?

Nóg af bulli í bili.

Ætla að tippa á að KR og Víkingur R. vinna sína riðla og mæta Fram og Leikni í undanúrslitum. Er nú samt Fylkismaður en þeir ætla að gefa soldinn skít í þetta og bara fá sér leikæfingu. KR mætir Leikni í undanúrslitum og Fram mæti Víking. KR tekur Leikni og Víkingur tekur Fram. Þannig það verða KR og Víkingur sem spila til úrslita.

Deildarbikarinn byrjar 20. febrúar (eða Lengjubikarinn) með leik ÍA og Njarðvíkur upp á Skaga. Sú keppni verður fróðleg og þá fara liðin að gefa í gírinn.

Af hverju ekki að byrja í dag?

(Þarft að hafa mic svo þetta virki).

Japanir eru farnir að gera svo mikið af róbotum að þeir verða að gera einn svona líka.

Það sem ég ætla hinsvegar í dag er að í gær tilkynntu Facebook menn að þú getur notað tölvupóstinn þinn við að svara öllum áminningum/notifications af Facebook með því að svara tölvupóstinum þínum. Þar með ef einhver skrifar á vegginn þinn, gerir athugasemdir við statusinn þinn eða gerir athugasemd við myndirnar þínar eða myndir sem þú hefur gert athugasemd við þá getur þú einungis svarað tölvupóstinum og þitt svar er þá komið inn. Þú þarft þú að stilla allar tölvupóstastillingarnar þínar en gættu þín þó því að ef þú leyfir of mikið af póstum þá er auðvelt að fá heila flóðið af tölvupóstum.

Þetta gæti verið tilvalið fyrir fólk í vinnu sem vill ekki virðast vera að hanga á Facebook og getur því þóst bara verið að svara tölvupóstum (sem eru þá í rauninni viðbrögð þín við aðgerðum vina þinna). Þetta er einnig hentugt í prófum svo maður dettur ekki bara í eitthvað hangs og endar á því að skoða myndaalbum hjá einhverjum sem þú hefur aldrei séð áður af því þú þekktir Tómas sem var taggaður í albuminu. Þannig þetta er að mér finnst eiginlega bara frábær hugmynd hjá Facebook.

* Patrick Viera er kominn aftur til Englands. Hann mun spila með þeim ljósbláu í Manchester, Manchester City.

* Meira um England en einhver almesta snjókoma síðari ára gengur nú yfir á Englandi og þurfti að fresta öllum leikjum helgarinnar nema tvem sem enduðu báðir jafntefli.

* Gaman að segja frá því að Wigan átti að spila við Aston Villa en honum var frestað líka á laugardagsmorgun þar sem að hitar

* Veðmál á knattspyrnuleiki hér heima var í umræðunni í útvarpsþætti Fótbolta.net. Hringt var í mig þar sem vinnan mín tengist ágætlega inn á það svið. Einnig var talað við Birki Sveinsson mótastjóra KSÍ. Hlusta má á viðtalið hér.

* Ein vika er í frumsýningu 8. seríu af 24 og um 3 vikur í að seinasta serían af Lost hefst. Þess má geta að Chuck snýr aftur í dag.

* Apple mun á næstu dögum kynna snertiskjá sem er lítill og meðfærilegur. Einskonar “tablet” eins og þeir kalla þetta úti. Hugmyndir má sjá hér.

* Afríkukeppnin hófst í gær með opnunarleik Angóla og Malí sem hljómaði nú ekkert spennandi í fyrstu en endaði 4-4 eftir að Angóla komst í 4-0.

* Guðmann Þórisson fyrrverandi leikmaður Breiðablik gekk til lið við Nybergsund Trysil í Noregi. Nybergsund spilar í Adeccoligaen í Noregi (B deild) en liðið leikur heimaleiki sína í Trysil sem er bær í Austur-Noregi. Bær? Jújú, aðeins 7000 manna bær í Noregi.

Fleira var það ekki að þessu sinni.

Fréttir herma að Tógó hafa dregið lið sitt til baka en að knattspyrnusamband Tógó á bara eftir að staðfesta það og það sé væntanlegt síðar í dag.

Tógó voru í riðli með Fílabeinsströndinni, Búrkína Fasó og Ghana . Þetta er að sjálfsögðu leiðinlegt fyrir þessa annars skrýtnu keppni en bíst ég ekki við að önnur lönd dragi sig úr keppninni.

Keppnin er afar umdeild, aðallega útaf því að hún er leikin í janúar – á miðju tímabili stærstu deildanna.
Egyptaland hefur unnið seinustu tvær keppnir en afar líklegt er að Fílabeinströndin vinni í ár þar sem leið þeirra í úrslitin virðist hindrunarlítil en hafa þeir náð að koma sér oft í vandræði á mótinu og myndi ég ekki tippa á þá.

Kamerrúnar hafa verið í lægð seinustu ár og fengu auðveldan riðil og gætu vel ógnað, jafnt og klárað mótið.

Mótið hefst á morgun, sunnudag kl. 19 (held ég) með opnunarleik og stórleik Angóla og Malí. Aldrei að vita nema Sissoko minn setji eitt.

Ég held að þetta myndband segi allt sem segja þarf.

Ég ætla að tala aðeins um WOT, eða Web of Trust.

WOT er eiginlega nauðsynlegt finnst mér fyrir hinn almenna vafrara/notanda. WOT kemur sem aukaviðbót við þinn vafra(Internet Explorer/Firefox). Ég nota Firefox og er með þetta sem viðbót við þann vafra.

Web of Trust sýnir okkur traust annarra notanda við viðkomandi heimasíðu. Segjum að þú ert að Googlea klámsíðu. Kæru kvenlesendur þá vitum við öll að karlmenn hafa sýnar þarfir en þetta er fullkomið dæmi. Mikið af heimasíðum á netinu sem reyna að tengja sig við klám eru oft hættulegar og geta skaðað tölvuna manns með allskyns bulli. WOT varar þig við á Google hvort heimasíðan sé traust eða hvort hún gæti verið hættuleg, jafnvel skaðleg fyrir tölvuna þína. Hér að neðan má sjá dæmi.

Hér má sjá dæmi þar sem talað er um screensavera. Efsta Google niðurstaðan er þá bara að segja að þessi síða er ekki traust og það er ekki mælt með að þú farir inn á viðkomandi síðu. Niðurstaða 2 gefur í skyn um eitthvað óöryggi en oft má telja gulan í lagi. Græn “kúla” þýðir að þetta sé fullkomlega traust síða og ekkert skaðlegt við hana.

Svo á hvaða síðu sem þú ert á er svo birt viðkomandi kúla í þínum vafra þegar þú setur upp viðbótina. Svo getur þú gefið einkunn fyrir þær síður sem þú vafrar á svo þú lætur notendur í kringum þig verða var við hversu traust viðkomandi síða er.

Annað dæmi er frétt Morgunblaðsins um heimasíðu sem heitir bookinhotels.com. Hún hefur svikið nokkra Íslendinga þar sem ekki virkaði fyrir þá að bóka hótel á viðkomandi síðu. Skv. MBL er þetta eitthvað tyrkneskt fyrirtæki sem er allaveganna ekki mikið að bóka hótel fyrir viðskiptavini sína. Þegar ég reyni að fara inná þessa síðu segir WOT mér að þessi síða sé ekki traust svo að sjálfsögðu er ég ekkert að plata mig lengra og loka glugganum.

Web of Trust hjálpar þér ekki bara að komast framhjá svikahreppum, vírusum og öðrum óþrjótum heldur það er svo miklu miklu meira. (Hljóma eins og einhver frábær uppþvottaefnisauglýsing)

Mæli hiklaust með að þú bætir þessu í safnið þitt.

Ég skora á núverandi forsætisráðherra að spila knattspyrnuleik. Hún gæti spilað með öðrum stórráðherrum í kringum heiminn. Persónulega hefði ég enga trú á henni, aðallega af því að hún þyrfti örugglega túlk til að elta hana út allan leikinn.

En tölum ekki um það. Þrátt fyrir að Jóhanna vinkona mín telst undir íslenskt kvenfólk þá ætla ég ekki í stjórnmálaumræður.

Mig langaði aðeins að vekja athygli á íslenskri kvennaknattspyrnu. Það hefur löngum sést að kvennalandsliðið okkar er í augnablikinu líklegra til árangurs heldur en það karla og það er ekkert sem þarf að kynna.
Það sem mig langar að koma inná er hlutur sem kannski fólk gerir sér ekki grein fyrir en er að sama skapi líklega drullusama um. Samkvæmt stuðlakerfi UEFA er íslenska kvennadeildin áttunda sterkasta kvennadeild í Evrópu. Stuðlakerfi UEFA er mjög flókið en það virkar þannig að árangur liða í Evrópukeppnum er tekinn saman og lagður saman og hverju landi er gefinn stigafjöldi samkvæmt árangri þeirra liða á hverju ári. Stuðlakerfið styðst svo aðeins við árangur þeirra liða seinustu 5 ár.
UEFA notar svo þetta svokallaða stuðlakerfi (coefficient) til að raða niður hverju landi inn í Evrópukeppnirnar. Þeir hafa eitt stuðlakerfi fyrir karlana og annað fyrir konurnar. Konurnar hafa reyndar bara eina Evrópukeppni en karlarnir tvær.

Í lista sem gefinn var út fyrir næsta tímabil fór eins og áður segir íslenska kvennadeildin í áttunda sæti (voru í 9. sæti árinu áður). Þar með fékk Ísland tvö sæti í Evrópukeppni kvenna í stað aðeins eins. Þar með fer Breiðablik ásamt Val í Evrópukeppni kvenna á næsta ári. Blikar þurfa þó að spila í undanriðlum en Valsmenn fara eins og í fyrra beint í 32 liða úrslit keppninnar.

Það sem ég er í rauninni að setja áherslu á er hversu sterk íslenska kvennadeildin er á evrópskum mælikvarða. Ef við myndum bera saman listann við karlalistann að þá segir hann okkur að úrvalsdeild Hollands sem geymir lið eins og PSV, Ajax og AZ Alkmaar til dæmis er í sama sæti og íslenska kvennadeildin. Allar sambandsþjóðir UEFA eru þó ekki með kvennadeild en það breytir engu máli.
Annað sem ég gæti komið inná væri að íslenska kvennadeildin er sterkari en spænska kvennadeildin. Á Spáni búa rúmlega 46 milljónir en á Íslandi í kringum 316 þúsund manns. Þar af eru kannski 160 þúsund kvenmenn.

Þetta eru í rauninni skemmtilegar staðreyndir og virkilegt hrós fyrir íslenska kvennaknattspyrnu og ég vona svo sannarlega að hún heldur þessum standard því aldrei hafa verið fleiri íslensk lið (karla&kvenna) í Evrópukeppni en á næsta ári (2010). Held að það sé löngu komin pressa á karlana.

Með þessum orðum vill ég óska einnig öllum gleðilegra jóla og farsæls komandi árs. Ég mun snúa aftur 5. janúar eldhress og fullur af fróðleik.

Það er kannski ekkert nýtt að það sé hægt að leita að torrentum einhversstaðar en margar síður í dag bjóða uppá það eins og Torrentz, SumoTorrent og svo má lengi telja. TorrentMagnifier er hinsvegar nýjung. Hún bíður upp á forrit fyrir tölvuna þína, svokallaðan desktop client svo þú getur leitað í tölvunni þinni.

TorrentMagnifier er virkilega einfalt, þarft einungis að byrja að leita og þegar þú finnur það sem þú ert að leita lætur forritið þig á réttan stað svo þú getur náð í viðkomandi torrent.

Ætti ekki að vera svo flókið fyrir þig. Náðu í µtorrent með þessu og þú ert good to go.

Ég ætla snöggt að renna yfir báða drættina.

Meistaradeild Evrópu – 16 liða úrslit

Tölurnar í sviganum merkja stuðlana hjá veðbönkum yfir hvort liðið sé líklegra til að komast áfram.
Nánar um stuðla hér

AC Milan(2,75) – Manchester United(1,5)

Hrikalega áhugaverður slagur. Manchester verður að teljast líklegri mennirnir ef þeir verða ekki með Fletcher í miðverði en AC Milan hefur átt mjög gott tímabil, loksins eiginlega. Þeir hafa alltaf verið stórlið en loksins á þessu tímabili hafa þeir blómstrað og eru nokkrum stigum á eftir Inter Milan í ítölsku í dag. Man Utd þarf ekki að kynna til sögunnar, eiga að taka þetta en þetta verður langt í frá að vera auðvelt. Ég persónulega hata ítölsku deildina og hata AC Milan mögulega meira en Manchester United svo ég vona bara að Manchester menn taki þennan.

Lyon(3,75) – Real Madrid(1,36)

Þrátt fyrir að halda með Lyon í frönsku og Fiorentina í ítölsku telur það ekki þar sem ég er Liverpool maður. Þessi tvö fyrrgreindu hentu Liverpool í Europa League. Lyon hafa alltaf verið með sterkan mannskap en eru í geysilegu basli þetta tímabil. Real eru á siglingu og eiga eftir að sýna styrk sinn. Engin spurning hér.

Porto(3,25) – Arsenal(1,4)

Porto, lið sem er alltaf þarna en getur svo aldrei neitt nema hvað einu sinni þegar þeir nældu í Meistaradeildarbikarinn í drepleiðinlegum úrslitaleik við Monaco árið áður en Liverpool vann Milan. Ef ég man rétt þá var það undir stjórn Mourinho. Allaveganna þá hafa Arsenal átt bara frekar gott tímabil og eru í baráttunni í Englandi. Porto stóðu sig vel í riðli með Chelsea og eru með yfirburðalið. Ég segi að þessi viðureign verði erfið fyrir Arsenal. Vela skorar dýrmætt útimark í Portúgal sem kemur honum á blað hjá stuðningsmönnum Arsenal. Ég er virkilega hrifinn af þeim dreng.

Bayern Münich(1,62) – Fiorentina(2,5)

Eftir því sem ég held áfram að skrifa þá verða viðureignirnar eiginlega bara áhugaverðari. Fiorentina hafa verið mjög sterkir í ár og þeir munu ekki gefa neitt eftir við stríða þýsku stórmeisturunum. Bayern hafa verið með mikið maus í fjölmiðlum. Ribery með eitthvað væl undanfarið og þeir sitja nú í 3. sæti þýsku að elta Leverkusen. Ég held að Fiorentina taki þetta. Eru með ungan en samt sem áður mjög sterkan mannskap. Stríða Bayern mönnum og senda þá heim þar sem þeir klára deildina.

Olympiakos(2,7) – Bordeaux(1,53)

Ég sem hélt að viðureignirnar væru að fara upp á við en svo sannarlega er þetta ein sú leiðinlegasta sem ég hef séð. Bordeaux hafa verið magnaðir í ár. Þeir klára þetta auðveldlega.

Stuttgart(7,00) – Barcelona(1,14)

Barcelona eru að spila fótbolta sem varla er hægt að líkja við neitt annað. Þeir klára þetta þrátt fyrir að Stuttgart liðið hefur sýnt þrautseigju í Meistaradeildinni en það þyrfti að gefa þeim bleiju til að gera eitthvað í þýsku deildinni.

Inter Milan(2,63) – Chelsea(1,55)

Söss! Þessi verður rosaleg. Chelsea hafa verið að gera ágæta hluti undanfarið og Drogba er óstöðvandi. Hópurinn þeirra náttúrulega mannskemmandi leiðinlegur en virkar.
Inter Milan eru alltaf með rosalegan hóp. Mario Balotelli er strákur sem við munum sjá meira af á næstu árum. Sama segi ég með David Santon. Tvö ítölsk efni sem verður gaman að sjá hvað verður úr.
Þjálfarar liðanna ættu að þekkja hvorn annan. Ancelotti var með Milan í fyrra og Mourinho hitti hann mjög líklega á San Siro.
Ég segi Inter hér þrátt fyrir að það kæmi mér ekkert á óvart að það væri rangt. Hérna byrjar Chelsea að síga niður töfluna í Englandi og úr Meistaradeildinni.

CSKA Moskva(3) – Sevilla(1,4)

Ég er að fara á Atletico Madrid v Sevilla 3. janúar næstkomandi í Madrid og hafa bæði þessi lið verið með drulluna eiginlega á tímabilinu. Atletico Madrid tapa og tapa í deildinni og gátu ekkert í Meistaradeildinni en fóru í Europa League af því þeir unnu APOEL frá Kýpur.
CSKA eru þó sterkir svo þá má ekki útiloka. Unnu Man Utd á Old Trafford (jaja varalið blabla) en samt sterkt að koma og ná í þrjú þar.
Held að flestir bendli Sevilla hér við sigur en ég segi að Rússarnir fái einhverja heppni með sér og kræki sér áfram í 8-liða úrslit þar sem þeir segja bless. Kemur mér þó á óvart hversu fínn stuðull er á Rússunum. Áhættan er þess virði.

Potturinn minn þá fyrir 8-liða verður:
CSKA Moskva, Inter Milan, Manchester United, Arsenal, Bordeaux, Fiorentina, Real Madrid og Barcelona.

Europa League 32-liða úrslit:

Held ég taki þetta í styttra lagi.

Everton – Sporting

Everton búnað vera í basli og kveðja hér.

Hertha Berlin – Benfica

Hertha neðstir í þýsku og ekkert sem gömlu góðu Benfica ráða ekki við.

Atletico Madrid – Galatasaray

Þetta verður flott viðureign. Ég held að ef Agüero fer ekkert þá klári þeir Kewell og Baros en það veltur mikið á leiknum í Madrid þar sem Tyrkirnir eru þekktir fyrir erfiðan heimavöll.

Ajax – Juventus

Juventus á þetta en gamlir erkifjendur mætast hér og Ajax are no pushoves.

Club Brugge – Valencia

Mínir menn klára þetta auðveldlega.

Rubin Kazan – Hapoel Tel-Aviv

Rússarnir sterkir og klára frændur Benayoun.

Villarreal – Wolfsburg

Þetta held ég að Þjóðverjarnir taki.

Standard Liege – Salzburg

Þessi gæti orðið fróðleg. Salzburg rústaði sínum riðli í UEFA og held ég að þeir fari til Belgíu og sýni það að Austurríki eigi klárlega nokkra markheppna í skápnum hjá sér.

Twente – Werder Bremen

Werder á þetta, samt ekki auðveldlega.

Lille - Fenerbache

Mér finnst Lille ættu að geta unnið Fenerbache hérna. Þeir setja eitt í Tyrklandi í seinni leiknum sem klárar þennan leik eftir 0-0 í Frakklandi.

Athletic Bilbao – Anderlecht

Bilbao klikkar hér og skorar 2 sjálfsmörk. Gefur Anderlecht frímiða áfram.

FC Köbenhavn – Marseille

Marseille ætti að klára Danina en ég vona nú að þeir gefi ekkert eftir.

Panathinakos – Roma

Roma hefur verið í vandræðum en þeir vinna þetta 1-0 samanlagt.

Fulham - Shakhtar Donetsk

Fulham hafa nú verið á skriði undanfarið. Þeirra heimavöllur er orðin algjör gryfja skv. tölfræði og þeir nota hann hér og slá Shakhtar út.

Liverpool - Unirea

Ég ætla ekki einu sinni að reyna að sannfæra fólk um að þetta sé öruggt hjá Liverpool en að sjálfsögðu get ég ekki annað sagt nema vonað það. Þeir verða búnað snúa við blaði eftir áramót og fljúga í gegnum þessa keppni eins og fugl.

Hamburger – PSV

PSV vinnur þetta óvæntlega stórt.

Læt þetta duga í bili.

Þetta er Dexter Morgan. (leikinn af Michael C. Hall).

Ég ætla nú að koma smá inn á sjónvarpsþætti þar sem ég horfi gígantískt mikið á sjónvarpsþætti.

Ég tel að flestir þekki Dexter. Showtime í USA hafa keyrt fjórar seríur af kauða en þær eru hugmynd Jeff Lindsay. Jeff hefur skrifað fjórar bækur um kauða og sú fimmta á leiðinni.

Þættirnir hafa vakið gífurlega lukku og Michael er ótrúlegur í sínu hlutverki enda verið tilnefndur til Golden Globe verðlaunanna fyrir allar þrjár seríurnar en sú fjórða var að klárast í gær í USA. 2,1 milljón Bandaríkjamanna horfðu á lokaþáttinn sem er met í sögu þáttanna.

Allar seríurnar hafa verið ótrúlega áhugaverðar og það er ótrúlegt hvað þær verða bara betri og betri. Fjórða serían var fáránlega góð og set ég hana klárlega á lista yfir bestu 10 seríur sem ég hef séð.

Ég get staðfest við ykkur lesendur góðir að fimmta sería af Dexter er væntanleg en dagsetning er ekki komin á blað. Líklegt haustið 2010.

Fyrir þá sem þekkja ekki Dexter þá er um að gera að fara að gera eitthvað í þeim málum.

Hér er fyrsta, reyndar á seinustu leiktíð en Stuttgart að spila við Hoffenheim. Einn leikmaður Hoffenheim missir skóinn og Lehmann ákveður að fleygja skónum yfir markið sitt.

Næsta aðeins í seinustu viku eða svo þegar Lehmann ákveður að míga í miðjum leik.

Alveg ótrúlegur. Og svo núna um helgina fær hann rautt fyrir þetta fáránlega atvik.

Ekki mikill meistari fyrir mér en samt sem áður, alltaf gaman af Jens Lehmann.

Þetta er ungfrú Ísland 2009.

Þekki hana ekki neitt en gullfalleg eins og aðrar íslenskar konur.
Hún er 184cm => stærri en ég en það er ekki í umræðu.
Veðbankinn betfair.com setur stuðulinn 228 á hana og þar af leiðandi getur ekki talist líklegt að hún vinni.
En að sjálfsögðu óska ég henni góðs gengis á morgun. Keppnin hefst kl. 15 GMT.

Vísir – Vanvirðing við Meistaradeildina að tefla fram leikskólaliði.

Matthias Sammer segir það vanvirðingu fyrir Meistaradeildina að tefla fram leikskólaliði á móti Olympiakos í gær.

Verulega er ég ósammála kauða. Ekki bara af því hann er ferlega ljótur því Arsenal voru komnir áfram og þurftu ekki að hafa miklar áhyggjur af þessum leik. Svo er þetta leikskólalið þeirra ekkert grín. Arsenal hafa sýnt það að þeir eru með langsterkustu ungu leikmennina í ensku deildina eins og við höfum séð í enska deildarbikarnum að þeir leika sér að andstæðingunum oftar en ekki. Virkilega öruggir á boltann og margir hverjir geysileg potential. Ég er einna hrifnastur af Carlos Vela sem spilaði í gær sem er bara ótrúlega góður striker.

Þrátt fyrir að umræðan í gær fór mikið á Tom Cruise, vinstri bakvörð Arsenal í gær sem er glænýr fyrir mér í þetta leikskólalið að þá var restin að liðinu sterk og hefur áður komið við sögu í A-liðsleikjum Arsenal.

Sammer segir einnig að Wenger hafi gefið Olympiakos auðveldari séns á því að komast áfram sem þeir nýttu. Þetta varð á kostnað Standard Liege sem grísuðu jafntefli á 95. mínutu með skalla frá markmanninum. Olympiakos er dauðadæmt í 16-liða svo það skiptir engu máli hvort Standard Liege frá Belgíu eða Olympiakos hafi komist áfram.

Persónulega held ég að Wenger beri virðingu fyrir keppninni en liðið á einnig í gífurlegum meiðslavandræðum sem ætti vonandi að geta hjálpað Livepool mönnum á laugardaginn en þá er stórleikur á Anfield, Liverpool – Arsenal.

Dregið verður 18. desember nk. í 16-liða úrslit Meistaradeildar Evrópu. Mínir menn í Liverpool fengu miða í Europa League nokkuð örugglega. Efstu tvö liðin í hverjum riðli komast áfram í 16-liða úrslitin en 3. sætið fer í Europa League.
Mörg sterk lið eru í pottinum (væntanlega) og skiptast þau í tvo potta. Lið úr pot 1 getur ekki mætt öðru liði úr pot 1. Einnig geta lið frá sama landi ekki mæst í 16-liða úrslitum og þau geta ekki mæst ef þau voru saman í riðli áður. En svona skiptast pottarnir

Pot 1 (Sigurvegarar sinna riðla)
Manchester United (ENG)
Bordeaux (FRA)
Real Madrid (SPÁ)
Chelsea (ENG)
Fiorentina (ÍTA)
Barcelona (SPÁ)
Sevilla (SPÁ)
Arsenal (ENG)

Pot 2 (Annað sæti í sínum riðli)
Bayern Münich (ÞÝS)
CSKA Moskva (RÚS)
AC Milan (ÍTA)
Porto (POR)
Lyon (FRA)
Inter Milan (ÍTA)
Stuttgart (ÞÝS)
Olympiakos (GRI)

Þarna getum við fengið margar fróðlegar viðureignir.
Manchester United – Bayern Münich
Barcelona – AC Milan
Arsenal – Lyon
Chelsea – Inter Milan

Ég horfði á Dynamo Kiev – Barcelona í kvöld þar sem Barcelona sýndu áfram hversu megnugir þeir eru. Spilið þeirra er hreint út sagt ótrúlegt og bara hrikalega skemmtilegur fótbolti sem þeir spila. Messi skorar hér sigurmark leiksins sem tryggði þeim fyrsta sæti riðilsins.

Vill einnig segja með Fiorentina að þeir eru með gríðarlega sterkan mannskap og eiga eftir að stríða þessum liðum.

Verður fróðlegt að sjá.

Sem mikill Sigur Rósar aðdáandi þá fékk ég að heyra nýtt lag frá Jónsa í Sigur Rós í dag sem heitir Boy Lilikoi. Hann er að gefa út sólóplötu í mars og lýtur þetta bara mjög vel út enda lagið stórglæsilegt eiginlega.
Þið getið hlustað á lagið hér að neðan.

Jónsi í Sigur Rós – Boy Lilikoi

Nánar á www.jonsi.com eða á FB hjá honum

Google tilkynnti í dag um nýja vöru frá sér sem ber nafnið Google Goggles. En varan er eingöngu fyrir Android farsíma.
Segjum að þú sért í Paris og sérð einhverja fræga styttu en þú veist í rauninni ekkert um hana. Þú getur þá opnað Google Goggles á símanum þínum og tekið mynd af styttunni. Google mun þá lesa myndina, bera hana saman við aðrar í gagnagrunni Google og sjá hvort eitthvað sambærilegt finnst, allt á aðeins örfáum sek. Goggles gefur þér svo niðurstöður um efni sem þú getur lesið þig um um viðkomandi styttu í þessu tilviki.

Myndskeiðið hér að neðan ætti að gefa þér ítarlegri innsýn inn í hugmyndina á bakvið Google Goggles.

Dropbox – Files – Secure backup, sync and sharing made easy..

Dropbox er í rauninni bara brilliant.
Dropbox er gífurlega einfalt forrit sem býr til möppu í tölvunni þinni sem heitir My Dropbox. Um leið og þú setur skjöl/myndir eða hvað sem þú vilt í þá möppu þá tekur Dropbox backup af þeirri möppu og setur það allt í örugga geymslu á netþjón út í heimi.
Þú getur alltaf nálgast skjölin þín hvar sem, aðeins með því að fara á www.dropbox.com.

Einnig geturu sett forritið upp á margar tölvur og þessi sama mappa er þá samstillt á öllum tölvum um leið og þú framkvæmir einhverjar breytingar.

- Þú þarft að búa til aðgang
- Frítt pláss upp á 2 gb (50 gb fyrir $9,95 p/m)
- Getur fengið allt að auka 1 gb ef þú lætur vini þína vita og fylgir ákveðnum byrjunarskrefum.

Klárlega forrit sem á heima í tölvunni þinni svo þú getur passað upp á helstu gögnin þín, myndir eða myndbönd.

Dregið var á HM í Suður-Afríku núna fyrir helgi og var vegleg 90 mínutna athöfn í Cape Town, Suður-Afríku þar sem Charlize Theron var í aðalhlutverki ásamt frægu íþróttafólki sem hjálpaði henni með dráttinn. Ég ætla aðeins að rýna í riðlana átta hérna og reyna að gefa mér hugmynd um hverjir komast áfram.

Riðill A

Riðill A hefur að geyma heimamenn í Suður-Afríku, Mexíkó, Úrugvæ og Frakkland.


Að sjálfsögðu þetta ótrúlega mark sem kom Frökkum á HM og hefur enn hitað undir umræðu hvort FIFA eigi að styðjast við sjónvarpsupptökur eða þessa fimm dómara sem þeir hafa verið að prófa í Europa League. Annars nánar í riðilinn. Suður-Afríku menn eru með arfaslakt lið og eru Frakkar mjög heppnir með riðil því þeir voru ekki settir í efsta styrkleikaflokk. Suður-Afríkumenn eru jú á heimavelli og mun það eflaust gefa þeim einhvern extra styrk. Mexíkó hefur aldrei unnið Frakkland í knattspyrnuleik en hafa betra gengi að fagna á móti Úrugvæ. Úrúgvæ spilaði vel í undankeppninni og gætu vel gert skaða með Diego Forlan í framlínunni. Ég ætla að vona að Carlos Vela fái að sýna sig í fremstu línu Mexíkana enda ótrúlegt framtíðarefni þar á ferð en hann spilar einmitt með Arsenal. Ég held að Frakkir klári þennan riðil þrátt fyrir ekkert ofurgengi í undankeppninni og Mexíkanar fylgi þeim í 16-liða.
Lokastaða: Frakkland, Mexíkó, Úrúgvæ, Suður-Afríka

Riðill B

Riðill 2 inniheldur Argentínu, Nígeríu, Suður-Kóreu og Grikkland. Þessi riðill er virkilega skemmtilegur. Argentínumenn eru með besta knattspyrnumann í heimi í dag, Lionel Messi og hafa geysiöflugt lið sem lenti þó í miklum vandræðum í undankeppninni. Diego Maradona, þjálfari liðsins er mjög umdeildur og liggur stórt spurningarmerki á honum fyrir þetta mót. Þeir fá engin grínlið í riðilinn sinn en Nígería hafa alltaf verið með skemmtilegt lið á HM. Þeir hafa marga unga og efnilega leikmenn í dag sem eru á víð og dreif í stórliðum út um Evrópu. Suður-Kóreu má ekki afskrifa en þeir hafa alltaf verið ein sterkasta Asíuþjóðin. Enduðu 4. sæti á HM 2002 þar sem þeir fóru á kostum. Grikkland eru Evrópumeistarar 2004 og mikið vona ég að þeir sitji eftir þar sem varanarsinnaði boltinn þeirra er alveg afskaplega leiðinlegur en það eru mörkin sem telja svo það er það sem gildir. Ef ekkert óeðlilegt gerist eiga Argentínu menn að afgreiða þennan riðil. Ég ætla að bomba Nígeríu í 2. sætið og Suður-Kóreumenn fara ekki lengra á þessu móti.
Lokastaða: Argentína, Nígería, Grikkland, Suður-Kórea

Riðill C

Minn riðill eða þar sem Englendingar eru. Þeir fá Bandaríkjamenn, Alsír og Slóveníu. Englendingar sem þarf varla að kynna voru mjög sterkir í undankeppninni í ár og eru væntingarnar geysilega miklar. Veðbankar taka í sama streng, þeir telja Englendinga mjög sigurstranglega svo það verður fróðlegt að sjá. Bandaríkjamenn eru byrjaðir að læra fótbolta, David Beckham hefur keyrt upp fótboltaáhugann þarna allaveganna en Bandaríkjamenn stóðu sig mjög vel í Álfukeppninni seinasta sumar og voru næstum því búnir að vinna hana eftir stórkostlegan úrslitaleik við Brasilíu þar sem Brassarnir afgreiddu þá eftir að Bandaríkjamenn komust yfir. Alsír þurftu algjörlega að hafa fyrir því að komast á HM. Alsír og Egyptaland voru hnífjafnir í sínum riðli, uppá stig, markatölu, innbyrðis viðureignir og fleiri mörk skoruð svo þurfti að spila úrslitaleik á hlutlausum velli upp á hvor þjóðin kæmist áfram.


Það var eins og hér sést, Antar Yahia sem bombaði Alsír til Suður-Afríku en aftur á móti er spurning hvernig þeir koma til með að standa sig í þessum riðli. Slóvenar eru einnig frekar óþekktir fyrir mér. Slógu út Rússa óvænt í umspili um sæti á HM.
Lokastaða: England, USA, Slóvenía, Alsír

Riðill D

D-riðill er einn sá áhugaverðasti verð ég að segja. Þýskaland, Ástralía, Serbía og Ghana. Fjórar mjög sterkar þjóðir og klárlega einn af tvem dauðariðlum í mínum huga á mótinu. Þjóðverjar eru jú alltaf Þjóðverjar, komist nokkuð oft í úrslitaleikinn. Það kæmi mér samt á óvart ef þeir myndu vinna mótið en aldrei að segja aldrei. Ástralía komust upp úr sínum riðli HM 2006, þeir tóku þátt í undankeppninni í Asíu og slátruðu henni. Eyjaálfa er þá með 2 fulltrúa í keppninni sem er nýtt fyrir mér. Ástralir eru með geysilega skemmtilegt lið og hef ég ákveðnar underdog-tilfinningar til þeirra. Serbar eru ekkert grín, hafa vaxið gífurlega á síðustu árum. Unnu EM U21 fyrir 3 árum síðan ca. og nú eru þessir menn að koma í landsliðið og munu klárlega gera skaða. Zoran Tosic og Vidic í Man Utd, Ivanovic í Chelsea og svo Milan Jovanovic. Ghana eru ekkert lamb að leika sér við. Miðjan þeirra er bara rosaleg, Essien og Muntari. Ekki má segja það sama um vörnina þeirra né sóknina en þeir eru geysilega sterkt lið. Þessi riðill verður ótrúlega skemmtilegur held ég og Þjóðverjar lenda í vandræðum, ekki spurning.
Lokastaða: Serbía, Þýskaland, Ástralía, Ghana

Riðill E

Annar áhugaverður, raða þessum hliðiná B-riðli en Holland, Danmörk, Japan og Kamerrún er áhugaverð blanda. Holland töpuðu ekki leik í undankeppninni og verða mjög sterkir í ár. Kæmi mér ekkert á óvart ef þeir komast langt, eru með mjög skemmtilegt lið og eiga eftir að vinna þennan riðil örugglega. Danir stóðu sig vel í undankeppninni, skyldu Svía eftir með sárt ennið. Þeir verða ekkert lamba að leika sér við en það sama verð ég að segja við Kamerrúna. Samuel Eto’o er náttúrulega ekkert lamb og er Kamerrún þjóð sem aldrei má afskrifa. Ég ætla þó að segja bless við Japani, þeir ætla að sitja á botninum í þessum. Held að Kamerrún v Danmörk verður algjör úrslitaleikur í þessum riðli. Liðin hafa mæst tvisvar í landsleik og unnið sitthvorn leikinn. Held að Kamerrún komist áfram og skilji Danina eftir.
Lokastaða: Holland, Kamerrún, Danmörk, Japan

Riðill F

Ítalir fengu frekar auðveldan riðil á pappírunum. Nýja Sjáland, Paragvæ og Slóvakíu.
Ný-Sjálendingar eru eflaust slakasta þjóðin á HM í sumar svo þeir verða auðveld bráð fyrir öll liðin. Paragvæ voru mjög góðir í undankeppninni en hafa þó aldrei unnið Ítala í landsleik. Slóvakarnir eru svipað óþekktir og Slóvenarnir. Martin Skrtel, Liverpool-drengur verður þó þarna í vörninni. Svo það verður gaman að sjá hvernig þeir ráðast í Ítalana. Held þetta verði frekar leiðinlegur riðill en aldrei að vita nema Ítalarnir klikki.
Lokastaða: Ítalía, Paragvæ, Slóvakía, Nýja-Sjáland

Riðill G

Dauðariðill mótsins, alveg á tæru. Brasilía, Norður-Kórea, Fílabeinsströndin og Portúgal.
Brasilía er eina þjóðin sem hefur alltaf verið með á HM. Þeir eru alltaf með geysilega öflugan hóp og eiga alltaf eftir að ógna. Þessi riðill verður þó hættulegur fyrir Brassana og engan veginn hægt að segja að þeir eru með gjafabréf í 16-liða úrslitin. Norður-Kóreska liðið þekki ég ekki neitt og eiga eftir að halda sér fast við 4. sætið. En aldrei að segja aldrei.
Fílabeinsströndin er með eitt sterkasta liðið frá Afríku og eru þeir með góðan mann í hverri stöðu eiginlega. Portúgalar sem komust áfram eftir sigur á Bosníu í umspili hafa alltaf verið með sterkt lið en þar á meðal er einn asnalegasti kantmaður heimsins, Cristiano Ronaldo. Hef alltaf hatað Portúgal þar sem ég held með Englandi og þeir sem þekkja til viðureigna Englands og Portúgal ættu að vita hvað ég er að tala um. Allir leikirnir hér verða fróðlegir.
Lokastaða: Fílabeinsströndin, Brasilía, Portúgal, Norður-Kórea

Riðill H

Spánverjar geta brosað þar sem Chile, Hondúras og Sviss ættu ekki að stoppa þá. Wilson Palacios er einn þekktasti leikmaður Hondúrasmanna. Chile voru í öðru sæti á eftir Brasilíu í undankeppninni í Suður-Ameríku (aðeins stigi á eftir Brasilíu) og eiga greinilega fullt erindi í þessa keppni. Þeir eru með flottan mannskap sem virðist vera að virka. Þetta er afar fróðlegur riðill þar sem Svisslendingar eru einnig svona lið sem maður býst kannski ekki mikið af. Þeir voru í frekar lélegum undanriðli sem Svisslendingar unnu og eru nú mættir á HM. Spánverjar sem taldir eru sigurstranglegastir á mótinu eiga engar svakalegar hindranir í þessum riðli og klára hann eflaust. Verður gaman að sjá hverjir fylgja þeim.
Lokastaða: Spánn, Chile, Sviss, Hondúras

Ef þetta myndi enda svona myndu 16-liða úrslitin vera svona:
Frakkland – Nígería
Argentína – Mexíkó
England – Þýskaland
Serbía – USA
Holland – Paragvæ
Ítalía – Kamerrún
Fílabeinsströndin – Chile
Spánn – Brasilía

Þetta verður fróðlegt að sjá en HM fer í gang 11. júní kl. 15:00 með leik Suður-Afríku og Mexíkó. Allir leikirnir verða sýndir á RÚV.

Við sjáum hvað ég endist en hvet ykkur eindregið til að taka þátt í umræðunni.